English
Bhí roinnt mac léinn agus printíseach de chuid Bhreisoideachas agus Oiliúint (FET) ETB Dhún na nGall páirteach san ócáid WorldSkills Ireland 2022 a reáchtáladh san RDS ón 13-15 Meán Fómhair.
Chuaigh Lee Davison, mac léinn reatha de chuid ETB Dhún na nGall (táthúchán píobáin chódaithe), san iomaíocht sa chomórtas táthúcháin. I ndiaidh dó bunchúrsa táthúcháin a dhéanamh i nGaoth Dobhair agus meánchúrsa táthúcháin a dhéanamh i Leitir Ceanainn, rinne teagascóir sinsearach táthúcháin ETB Dhún na nGall agus Saineolaí Táthúcháin WorldSkills Ireland, Cathal McGee, Lee a ainmniú. Chuir Cathal oiliúint bhreise ar Lee agus é ag ullmhú don chomórtas. D’fhreastail Lee ar iar-bhunscoil de chuid ETB Dhún na nGall; chuaigh sé go Coláiste Cranncha i mBun Cranncha.
Chuaigh Orlagh McGuinness san iomaíocht sa chomórtas gruagaireachta i ndiaidh di a cúrsa oiliúna a chríochnú i mí na Bealtaine 2021; cuireadh roinnt mhaith dá cuid oiliúna uirthi go cianda de bharr na paindéime. Oibríonn sí go lánaimseartha i Salón Gruaige Catriona sna Gleanntaí anois (rinne a fostóir an chéad chúrsa gruagaireachta a reáchtáil ETB Dhún na nGall). D’ainmnigh an teagascóir gruagaireachta, Katherine Gilmour, Orlagh agus ó mhí an Mhárta chuir Katherine oiliúint bhreise ar Orla agus í ag ullmhú don chomórtas, gach Luan ar a lá saor. Is iarmhac léinn de chuid Scoil Chuimsitheach Cholmcille sna Gleanntaí í Orlagh.
Bhí an printíseach cearpantóireachta, James Fox, ó Chontae na Mí ar cheann den 187 printíseach a ainmníodh mar Phrintíseach na Bliana a labhair ar stáitse na Laochra ag an ócáid. Chríochnaigh James céim a dó dá phrintíseacht le ETB Dhún na nGall i mí an Mheithimh agus rinne teagascóir cearpantóireachta ETB Dhún na nGall, Anthony O’Donnell, James a ainmniú.
Comhghairdeachas leis an phrintíseach, Jamie Birmingham, atá sa cheathrú bliain dá chúrsa as comórtas Pluiméireachta WorldSkills Ireland 2022 a bhaint; chríochnaigh Jamie céim a dó dá chuid oiliúna in Ionad Oiliúna Ghaoth Dobhair roimhe sin leis an teagascóir John Sweeney.