Má tá tú ag lorg RPL le haghaidh rochtana, cuir isteach ar an chúrsa chuí agus déanfaidh Comhordaitheoir an Chúrsa measúnú ar do chuid scileanna, eolais agus inniúlachtaí le hoibriú amach cé acu atá do chuid scileanna agus eolais reatha ag an leibhéal cheart le go n-éireoidh leat ar an chúrsa ar chuir tú isteach air.

Más mian leat an próiseas RPL a úsáid le dámhachtain a fháil, beidh ort foirm iarratais RPL a chomhlánú agus a chur isteach (ar fáil anseo).Déanfar measúnú ar d’fhoirm iarratais agus, má cheadaítear í, tacófar leat le punann fianaise a chur le chéile le haghaidh gach modúil/dámhachtana ar chuir tú isteach air/uirthi. Déanfar measúnú ar do phunann críochnaithe go hinmheánach agus déanfaidh athbhreithneoir seachtrach é a mheas fosta.Mura bhfuil tú cinnte faoi cé acu ba chóir duit cur isteach ar dhámhachtain nó nár chóir, is féidir leat teagmháil a dhéanamh leis an Chomhordaitheoir Soláthair RPL leis an phróiseas a phlé.Tá na sonraí teagmhála thíos.

Ceapfaidh Soláthar RPL ETB Dhún na nGall Meantóir RPL le tú a threorú fríd an phróiseas maidir le do phunann fianaise a ullmhú agus a struchtúrú.Chomh maith leis sin cinnteoidh do Mheantóir RPL go bhfuil do chuid fianaise leordhóthanach le caighdeáin na dámhachtana a shásamh.

Cé gur féidir leat oibriú ar do luas féin, idir 10-14 uair an chloigan méid ama a bhaineann le punann fianaise a chur le chéile le haghaidh dámhachtana (modúil).

Tá an próiseas RPL saor do gach iarratasóir faoi láthair.

Tá soláthar RPL dírithe ar dhaoine fásta atá san ionad oibre, atá páirteach ina gcuid pobal mar oibrithe deonacha agus orthu siúd atá dífhostaithe. Go dtí seo thacaigh muid le fostaithe ó na hearnálacha seo a leanas: airgeadas, cúram sláinte, cúram leanaí, talmhaíocht, foirgníocht, pobal agus deonach.