English
Tá sé fógartha ag Bord Oideachais agus Oiliúna Dhún na nGall (ETB) go bhfuil an tUasal Evan Gorrell ceaptha ina Leas-Phríomhoide breise ag Coláiste an Earagail i Leitir Ceanainn.
Mar iar-scoláire de chuid ETB Dhún na nGall, d’fhreastail an tUasal Gorrell ar Ghairmscoil na Mainistreach i mBaile Dhún na nGall. Tá céim Bhaitsiléara Oideachais aige sa Staidéar Gnó agus sa Chuntasaíocht, Dioplóma Iarchéime agus Céim Mháistreachta sa Mheáncheannaireacht agus sa Mheantóireacht, agus chríochnaigh sé na céimeanna sin go léir i gColáiste Mhuire Gan Smál.
D’oibrigh sé mar scrúdaitheoir scríofa do Ghnó na hArdteistiméireachta leis an gCoimisiún um Scrúduithe Stáit, i dteannta lena ról múinteoireachta i gColáiste an Earagail. Bhí baint aige fosta leis an gComhairle Náisiúnta Curaclaim agus Measúnachta (CNCM) mar ionadaí ar Bhord Oideachais agus Oiliúna Éireann (ETBI) ar choiste Athfhorbartha Gnó na Sraithe Sinsearaí.
Chomh maith leis sin, chomhordaigh sé gníomhaíochtaí i leith guth na scoláirí, turais scoile oideachasúla agus gníomhaíochtaí clárúcháin i gcomhar le daoine eile. Anuas ar sin, déanann sé cuntais na meán sóisialta agus suíomh gréasáin na scoile, chomh maith le airgeadas thionscadal Erasmus na scoile, a bhainistiú.
Agus é ag labhairt ar a cheapachán, dúirt Evan, “Is mór an onóir dom a bheith ceaptha mar Leas-Phríomhoide i gColáiste an Earagail. Táim bródúil a bheith mar bhall de phobal scoile a chuireann béim láidir ar shármhaitheas san oideachas, sa chúram, sa mheas, sa chomhionannas agus sa phobal. Táim ag tnúth le cur le forbairt leanúnach na scoile i mo ról nua.”
Táim ag tnúth le bheith ag obair i gcomhar le bainistíocht na scoile, leis an bhfoireann dhíograiseach, lenár scoláirí, le tuismitheoirí agus leis an bpobal i gcoitinne chun cur leis an obair den scoth atá ar siúl cheana féin i gColáiste an Earagail. Táim an-tugtha go háirithe don obair a bhaineann lena chinntiú go mothaíonn gach scoláire go bhfuil tacaíocht tugtha dóibh, go bhfuil siad luachmhar agus go spreagtar iad chun a lánacmhainneacht a bhaint amach, laistigh agus lasmuigh den seomra ranga.
“Táim ag súil go mór leis an gcaibidil nua seo i mo shlí bheatha agus le bheith ag obair i gcomhar le pobal na scoile ar fad chun todhchaí uaillmhianach agus dearfach a mhúnlú do Choláiste an Earagail,” a dúirt sé.
Tá daonra scoile de chóir a bheith 735 scoláire agus 99 ball foirne ag Coláiste an Earagail, atá faoi bhainistíocht ETB Dhún na nGall, faoi stiúir an Phríomhoide Danny McFadden.
Tá ról lárnach aige i saol oideachais a pobail, ag cur oideachas dara leibhéal agus breisoideachas leathan, cuimsitheach agus dírithe ar an scoláire ar fáil. Mar mheánscoil DEIS, tá an coláiste tiomanta d’ionchais arda, rath acadúil agus torthaí dearfacha a chur chun cinn do gach foghlaimeoir.
Agus é ag déanamh comhghairdeas le hEvan as a cheapachán, dúirt an Dr Martin Gormley, Stiúrthóir Scoileanna le ETB Dhún na nGall, “Tá áthas orm comhghairdeas a dhéanamh le hEvan as a cheapachán mar Leas-Phríomhoide Choláiste an Earagail. Tá Evan an-inniúil ar an scoil agus ar a pobal agus tá rannchuidiú suntasach déanta aige cheana féin le saol na scoile trína chuid oibre le scoláirí,” leis an bhfoireann agus le pobal na scoile i gcoitinne.
“Tugann Evan taithí, fuinneamh agus tiomantas suntasach don ról agus táim cinnte go ndéanfaidh sé rannchuidiú an-dearfach mar Leas-Phríomhoide. Guím gach rath ar Evan agus táim ag tnúth lena fheiceáil ag obair i dteannta an Phríomhoide, Danny McFadden, an Leas-Phríomhoide, Deirdre Markham, agus phobal iomlán na scoile, agus Coláiste an Earagail ag leanúint ar aghaidh ag fás agus ag forbairt,” ar seisean.
Tá Coláiste an Earagail ar cheann de chúig scoil déag as fiche seacht iar-bhunscoil atá sa chontae faoi bhainistíocht ETB Dhún na nGall, an soláthraí oideachais agus oiliúna is mó sa chontae. Sa scoilbhliain roimhe sin, 2025-2026, d’fhreastail breis agus 6,000 scoláire ar iar-bhunscoileanna ETB Dhún na nGall.
Tá an ceapachán seo á dhéanamh i ndiaidh don scoil, atá lonnaithe i Halla na Gaoithe i Leitir Ceanainn, an líon is mó scoláirí a chlárú is a chláraigh sí riamh.
Tá Evan ag tosú ar a post láithreach.