English
Níos luaithe i mbliana, bhain ceathrar daltaí ó Ghairmscoil Chaitríona (Na Cealla Beaga), Amy Rawdon, Catherine Byrne, Holly Meehan agus Kayla Boyle, an comórtas náisiúnta do scoileanna Certified Irish Angus, i gcomhar le ABP agus Kepak.
Ag an Chomórtas Náisiúnta Treabhdóireachta ar na mallaibh, bhailigh siad a nduais de chúig lao, a dtabharfaidh siad aire dóibh i rith na bliana seo amach romhainn.
Chuir siad tús leis an obair dhian a bhain leis an chomórtas dúshlánach seo i mí an Mhárta; tá luach saothair faighte anois ag a dtiomantas, a gcuid oibre foirne agus a ndíograis, agus iad i ndiaidh cúig lao Angus a bhaint dá scoil.
Is tús é seo le ré spreagúil eile don fhoireann. I rith na bliana atá amach rompu, tógfaidh na daltaí na laonna. Tabharfaidh siad faoi thionscadal cuimsitheach oideachais agus taighde fosta, ag baint úsáide as a dtaithí chun iniúchadh a dhéanamh ar an fheirmeoireacht, ar an inbhuanaitheacht agus cuideoidh siad le todhchaí na talmhaíochta in Éirinn a mhúnlú.
Cuireann an comórtas deis uathúil ar fáil do dhaltaí foghlaim sa seomra ranga a chomhcheangal le taithí fhíorshaoil sa talmhaíocht, agus scileanna luachmhara á bhforbairt acu ag an am céanna i réimsí an taighde, na cumarsáide, na hoibre foirne agus bhainistíocht tionscadal.
Bhí a múinteoir, Niall Canning, ag tacú leo ina gcuid oibre.
Is éacht ollmhór é seo do Kayla, Amy, Holly agus Catherine, agus tá pobal iomlán Ghairmscoil Chaitríona an-bhródúil. Tá siad ag súil anois leis na cúig laonna a fheiceáil ag fás i rith na bliana atá rompu.
–
Is féidir tuilleadh eolais a fháil amach faoin chomórtas seo anseo.